Results

Tele Greenland A/S

09/18/2017 | Press release | Distributed by Public on 09/18/2017 07:04

Avannaani attaveerutillattaarnerit

Avannaani sakkortusaavimmut sukkanerusumut piareersaateqartoqarnera pissutigalugu, sullitatta attavimminni sivikitsumik attaveeruttarneq nalaattassavaat.

Qasigiannguit, Ilulissat, Uummannaq kiisalu taakku nunaqarfii piffissami septembarip 20-aniit 28-ata tungaanut telefonini nalinginnaasuni, mobilini, sinerissami radiomi aammalu timmisartunut kiffartuussinerni attaveeruttarsinnaapput.

Telefonit aqqutaat allamut nuunneqartussaapput Aasiaat Ilulissallu akornanni sakkortusaaviup sukkasuup nutaap atulerneqarsinnaaneranut piareersaasoqarsinnaaqqullugu, taamaalillutillu sullitagut sukkanerusunik attaveqalersinnaaniassammata.

TELE-POST-ip naatsorsuutigaa attaveeruttarnerit minutsini tallimani sivisussuseqartarnissaat.

Sullitatsinnut tamatuma ajoqusersuutaasinnaanera ajuusaarutigaarput.

Allanik paasisaqarumaguit Arnakkuluk Jo Kleist, 547854-imut, [email protected] -mulluunniit attavigisinnaavat.