Government of Greenland

01/23/2017 | Press release | Distributed by Public on 01/23/2017 12:47

Inatsisitigut ataataqanngitsut pisinnaatitaaffii pillugit ataatsimiisitsinissamut erseqqissaat

Qanoruumi tallimanngornermi 20. januaari 2017 nalunaarutigineqarpoq inatsisitigut ataataqanngitsut pillugit innuttaasunut ataatsimiisitsinerit matoqqasumik ingerlanneqassasut. Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfimmit erseqqissaassutigineqassaaq innuttaasunik ataatsimiititsinerit innuttaasunut ammammata tusagassiortunulli matoqqassallutik. Ataatsimiinnerit tusagassiortunut matoqqatinniarneqarput sammisap mianer­nartuunera attuumassuteqartullu eqqarsaatigalugit.

Naalakkersuisoq Sara Olsvig oqaaseqartinneqarnissamut tusagassiortunit attaveqarfigineqarsinnaavoq.

Paasisaqarnerorusuttut attavisiginnaavaat Naalakkersuisumut allatsi Nina Jul Larsen, oqarasuaat +299 34 66 38, angallattagaq +299 53 93 71 imaluunniit e-mail [email protected]