Results

Government of Greenland

05/23/2018 | Press release | Distributed by Public on 05/23/2018 12:30

Naajat manniinik juunip 15-iat ilanngullugu mannissartoqarsinnaavoq

Sunngiffimmi imaluunniit inuussutissarsiutigalugu piniarnermut allagartaqaruit nammineq atugassannik qaqulluup, naajarluit, naajarujussuit aamma naajaannaap manniinik januaarip aallaqqaataanit juunip 15-iat ilanngullugu mannissarsinnaavutit.

Inuussutissarsiutigalugu piniarnermut allagartallit sumiiffimmi aqutsiveqarfimmini juunip 15-iat 2018 ilanngullugu naajat manniinik tuniniaasinnaapput.

Paasissutissanik suli allanik, uani taaneqanngitsunik pissarserusukkaanni Aalisarnermut, Piniarnermut Nunalerinermullu Naalakkersuisoqarfimmut saaffiginnittoqarsinnaavoq, e-mail: [email protected]

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: [email protected]