Government of Greenland

11/14/2019 | Press release | Distributed by Public on 11/14/2019 05:13

Aningaasanut inatsimmi utoqqalinersiat ukiumoortumik aaqqiivigineqartarput

Utoqqalinersiallit utoqqalinersiaat siusinaartumillu pensionisiallit pensionisiaat ukiup tullianiit aaqqiivigineqartarunnaassasut 2019-imi 13. novembari Sermitsiaq.ag-mi ilanngutassiami oqaatigineqarpoq. Tamanna eqqunngilaq.2020-imut aningaasanut inatsisissatut siunnersuummi, 2019-imut aningaasanut inatsit assigalugu, oqaasertaliussat marluk ilanngunneqarsimapput, taakkulu aqqutigalugit utoqqalinersiat siusinaartumillu pensionisiat aaqqiivigineqartarput. Akissaatit qaffanneri malillugit pensionisiaritinneqartartut aaqqiivigineqartarnerat tamatuma kinguneraa.

Aaqqiissutaasartut aqqutigalugit utoqqalinersiallit siusinaartumillu pensionisiallit aningaasat pisissutaasinnaasut annertunerulernerat misigisarpaat.

Taamaalillutik inuiaqatigiinni allat assigalugit pigissaarnerup qaffannera utoqqalinersiallit siusinaartumillu pensionisiallit misigisarpaat.

Attavissaq
Paasisaqarnerorusukkuit naalakkersuisup allattaa Inger Heilmann Larsen e-mailikkut: [email protected] imalulunniit oqarasuaatikkut + 299 554160-it attavigiuk