Government of Greenland

04/06/2018 | Press release | Distributed by Public on 04/06/2018 07:49

Kujataani nipisanniarneq marlunngorpat aallartissaaq

Kujataani aqutsiveqarfinni 1F aamma 1E-mi Ikerasassuarniit Qarsaalimmut, nipisanniarneq marlunngorpat apriilip 10-anni aallartissaaq. Aqutsiveqarfimmi nipisat suaat ukioq manna pisassiissutigineqartut 1F-mi 130 tonsiupput, 1E-milu 191 tonsiullutik. Kitaanut pisaassiissutigineqartut katillutik 1.300 tonsiupput, taakku sumiiffinni, aqutsiveqarfinni arfineq marluusuni aalisarneqarsinnaapput.

Aqutsiveqarfimmi 1E-mi aamma 1F-mi ulloq tunisiffigineqarsinnaasoq kingulleq tassaavoq maajip 23-at, pisassiissutigineqarsimasut nungoreersimanngippata. Pisassiissutigineqartut nunguppata, tamanna nalunaarutigineqassaaq. Aqutsiveqarfimmi nungunneqanngitsut aqutsiveqarfimmi allami aalisarneqarsinnaasunngussapput.

Paasissutissanik amerlanerusunik paasisaqarusukkuit APN-mut AC-fuldmægtig John Biilmannimut paasiniaasinnaavutit. Tlf: 34 50 00. Mail: [email protected]