Government of Greenland

04/26/2018 | Press release | Distributed by Public on 04/26/2018 07:33

Kangaatsiami Qeqertarsuullu Tunuani marlunngorpat nipisanniartoqalissaaq

Aqutsiveqarfimmi 1 Ba-mi aamma 1a-mi marlunngornermit maajip aallaqqaataanit nipisanniartoqalissaaq.

Nipisanniarfigineqartussaq aqutsiveqarfik 1 Ba tassaavoq Isortumit Qasigiannguanut, nipisanniarfigineqartussarlu 1a tassaalluni Qasigiannguanit avannamut.

Aqutsiveqarfimmut 1Ba-mut nipisat suaat ukioq manna pisassiissutigineqartut 91 tonsiupput, 1a-mi 84 tonsit.

Kitaanut pisaassiissutigineqartut katillutik 1.300 tonsiupput, taakku aqutsiveqarfinni arfineq marluusuni aalisarneqarsinnaapput.

Aqutsiveqarfimmi 1Ba-mi aamma 1a-mi ulloq tunisiffigineqarsinnaasoq kingulleq tassaavoq pingasunngorneq juunip 13-iat, pisassiissutigineqarsimasut nungoreersimanngippata.

Pisassiissutigineqartut nunguppata nalunaarutiginnittoqassaaq. Aqutsiveqarfimmi nungunneqanngitsut aqutsiveqarfimmi allami aalisarneqarsinnaasunngussapput.

Attavigineqarsinnaasoq: Aalisarnermut Piniarnermullu Naalakkersuisoqarfimmi AC-fuldmægtig John Biilmann. E-mail: [email protected]