Government of Greenland

05/17/2018 | Press release | Distributed by Public on 05/17/2018 10:58

Aqutsiveqarfimmi Savissivimmi nannuttassiissutit tamakkerneqarput

Aqutsiveqarfimmi Savissivimmi nannuttassiissutit tamakkerneqartut APNN-miit matumuuna nalunaarutigineqarpoq.

Aqutsiveqarfimmi Savissivimmi 2018-imi nannuttassiissutit 24-iusimapput.

Pisassanit taakkunannga sisamat Qaanaap eqqaani piniartunut immikkoortinneqarput - taamaasillutillu akuersissutit taakku sisamaasut Savissivimmi piniartunut tunniunneqarsinnaanatik.

Aqutsiveqarfimmi pineqartumi piniartunit Savissivimmiunit nannunik pisaqaqqittoqarsinnaannginnera matumuuna nalunaarutigineqarpoq.

Paasissutissanik suli allanik, uani taaneqanngitsunik pissarserusukkaanni Aalisarnermut, Piniarnermut Nunalerinermullu Naalakkersuisoqarfimmut saaffiginnittoqarsinnaavoq, e-mail: [email protected]

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 5304, e-mail: [email protected]