Government of Greenland

05/01/2017 | Press release | Distributed by Public on 05/01/2017 05:46

Pisortaqarfimmi pisortaq soraartoq

Naalakkersuisut Siulittaasuata Naalakkersuisoqarfia Pisortaqarfimmilu pisortaq Kai Holst Andersen ulloq 1. maj 2017 akunnerminni isumaqatigiissuteqarput Nunanut Allanut Pisortaqarfimmi pisortatut Kai Holst Andersen soraassasoq.

Tamanna pivoq Namminersorlutik Oqartussani kommunenilu isumaqatigiissutit najoqqutaralugit atorfeqartunut, allaffissornikkut pisortanut aningaasarsiat atorferqarnerlu pillugit Naalakkersuisut aamma Danmarks Jurist- og Økonomforbundip isumaqatigiissutaat 16. decembari 2013-imeersoq naapertorlugu.

Illuatungeriit akunnerminni isumaqatigiissutigalugu pisussaaffilerput pisortaasimasup suliunnaarneranut tunngatillugu isumaqatigiissummut tunngasunik isumaqatigiissutillu imarisai pillugit tamanut ammasumik inummulluunniit allamut oqaaseqartoqassanngitsoq.

Ilutigitillugu Namminersorlutik Oqartussat Kai Holst Andersen, Nunanut Allanut Pisortaqarfimmi pisortatut sulisimaneranut qutsavigerusuppaat.

Søren Hald Møller,

Naalakkersuisoqarfimmi pisortaq,
Naalakkersuisut Siulittaasuata Naalakkersuisoqarfia