Government of Greenland

12/12/2016 | Press release | Distributed by Public on 12/12/2016 13:29

Sinerissap qanittuani saarullittassiissutit ilaneqarput

Naalakkersuisut ullumi aalajangerput sinerissap qanittuani saarullittassiissutit 1.400 tonsinik ilaneqassasut.

Sinerissap qanittuani saarullittassiissutit kingullermik oktobarimi ilaneqarmata Naalakkersuisut naatsorsuutigisimavaat pisassiissutigineqartut ukiup sinneranut naammassasut.

Pisassiissutigineqartulli ilaneqareersut paasinarsivoq ilassutigineqartut kisitsisinik kukkusumik tunngaveqarluni ilassutaasimasut.

Taamaattumik saarullittassiissutit taamani ikinaarneqarsimasut naammatsinniarlugit Naalakkersuisut ullumi ilavaat, sinerissap qanittuani ukiup sinnerani aalisarnerup ingerlanneqarnissaa suliffissaqartitsinissarlu angujumallugu.

Attavigineqarsinnaavoq Aalisarnermut Piniarnermullu Naalakkersuisoqarfimmi AC-fuldmægtig John Biilmann. Email: [email protected]