Results

Government of Greenland

06/19/2018 | Press release | Distributed by Public on 06/19/2018 09:09

Aqutsiveqarfik Upernavimmi qernertanik qilalugartassiissutit tamakkerneqarput

Aalisarnermut Piniarnermut Nunalerinermullu Naalakkersuisoqarfiup matumuuna nalunaarutigissavaa, Aqutsiveqarfik Upernavimmi 2018-imut qilalukkat qernertat pisassiissutaasut 52-it piniarlugit tamakkerneqarsimammata. Tamakkiisumik qernertanik qilalugartassiissutit 52-iupput, tassani ilanngullugit ileqqutoqqat malillugit qaannamik pisassiissutit 20-it, taakkulu aamma tamakkerneqarlutik. Taamaasilluni aqutsiveqarfimmi ukioq manna 2018-imi qilalukkat qernertat piniaqqinneqassanngillat.

Aalisarnermut Piniarnermut Nunalerinermullu Naalakkersuisoqarfiup nalunaarutigisinnaavaa Upernaviup aqutsiveqarfiani 2018-imut qaqortanik qilalugartassiissutit 93-inik suli sinneqarmata, aammalu Avannaata Kommuniani 2017-imi pisarinngitsuukkat nuunneqarnikut 75-iummata, taakkulu suli piniarneqarsinnaallutik.

Nalunaarut pillugu attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi AC-fuldmægtig Nuka Møller Lund. Email: [email protected] oqarasuaat 34 53 45