Brincadeira de Bouzas 2024: programa e horarios

A expulsión dos franceses de Vigo celébrase por todo o alto na cidade olívica. Pero o que moitos non saben é que hai unha segunda festa que celebra os mesmos acontecementos e na mesma cidade. É a Brincadeira de Bouzas 2024, do 10 ao 12 de maio.

A Brincadeira de Bouzas é unha festa tradicional que nos traslada a unha época na que Bouzas era independente, era un concello propio, e que ademais xogou un papel importante na Reconquista de Vigo. Esta festa conmemora a expulsión dos franceses da cidade olívica e o papel indispensable da veciñanza do barrio vigués.

Programa da Brincadeira de Bouzas 2024

A Festa da Brincadeira de Bouzas 2024 celebrarase este ano entre os días 10 e 12 de maio. No seu programa destacan dous actos centrais: a representación da expulsión dos franceses en 1809, que ten lugar o sábado ás 18:30 horas, e o II Certame de Traxes de Época, que ten como obxectivo fomentar a indumentaria histórica durante os días da festa.

Milleiros de persoas poderán gozar de diversas actividades durante os tres días de festa, haberá postos de artesanía, gastronomía, un mercado medieval e demostración de oficios tradicionais, todo aderezado con moita música, con charangas e con gaiteiros que percorrerán a festa durante os tres días.

Así é o programa da Brincadeira de Bouzas 2024, que publica o Concello de Vigo :

Sábado 11 de maio

Na Alameda Suárez Llanos:

• 12:30 h.: Actuación do grupo Gaiteiros de Pardavila.
• 13:30 h.: Actuación do grupo Mother.
• 14:30 h.: Música coa charanga A.C. Traspes.
• 15:30 h.: Actuación dos gaiteiros Erdeiros dos Morenos.
• 16:30 h.: Froles Novas.
• 18.30 h.: Representación teatral da expulsión dos franceses en 1809.
• 20:30 h.: Actuación do grupo de gaitas Rueiro.

Na Praza da Vila de Bouzas:

• 11:30 h.: Actuación do grupo Anduriñas do Cristo da Vitoria ata as 21:30 h.

No Torreiro de Eduardo Cabello:

• Durante todo o día, demostración de manualidades e atraccións infantís.
• 14:30 h.: Actuación das pandeireteiras A.C. Traspes.
• 15:30 h.: Actuación dos gaiteiros A.C. Traspes.
• 16:00 h.: Exposición histórica de Ana Rodal sobre a historia de Bouzas.
• 16:30 h.: Actuación do grupo Rudilloira A.C. Traspes.
• 17:30 h.: Actuación do grupo Recoiro A.C. Traspes.
• 18:30 h.: Actuación do grupo Ferbellicos A.C. Traspes.
• 19:30 h.: Música co grupo folclórico Os Cuncheiros.
• 20:30 h.: Música co grupo O Carballo das Cen Pólas.

Domingo 12 de maio

Na Alameda Suárez Llanos:

• 12:30 h.: Actuación do grupo Queixumes.
• 13:00 h.: II Concurso de Traxes de Época.
• 15:30 h.: Actuación do grupo ACF O Fiadeiro.
• 16:30 h.: Actuación do grupo Laxe.
• 17:30 h.: Pandega das Teixugueiras.
• 18:30 h.: Actuación do grupo Tarxa.
• 19:30 h.: Gran foliada Vai Boa.
• 20:30 h.: Actuación do grupo Gaiteiros da ría.

Na Praza da Vila de Bouzas:

• 11:30 h.: Actuación do grupo Anduriñas do Cristo da Vitoria ata as 21:30 h.

No Torreiro de Eduardo Cabello:

• Durante todo o día, demostración de manualidades e atraccións infantís.
• 14:30 h.: Actuación dos pandeireteiros A.C. Traspes.
• 15:30 h.: Actuación de Barafusteiras A.C. Traspes.
• 16:00 h.: Exposición histórica de Ana Rodal sobre a historia de Bouzas.
• 16:30 h.: Actuación do grupo Ferbellicos A.C. Traspes.
• 17:00 h.: Obradoiro de barro para os máis pequenos.
• 17:30 h.: Actuación do grupo Rudilloiras A.C. Traspes.
• 18:30 h.: Actuación das pandeireteiras A.C. Traspes.
• 19:30 h.: Actuación do grupo Gaiteiros da ría.
• 20:30 h.: Música co grupo Os Ferreiras da Etea.

Para que non perdas ningún detalle, podes consultar no programa da Brincadeira de Bouzas 2024 toda a información, dende un mapa dos lugares do evento ata o programa completo:

A Reconquista de Vigo e a Brincadeira de Bouzas

A Reconquista de Vigo é unha das datas máis festivas da cidade olívica. Arredor do 28 de marzo, todos os anos, a veciñanza de Vigo celébrano ao grande.

A Reconquista de Vigo enmarcouse, historicamente, no contexto da Guerra da Independencia española. A cidade foi tomada polas tropas do exército do Primeiro Imperio Francés de Napoleón Bonaparte e os vigueses, dirixidos polos militares Pablo Morillo e Bernardo González "Cachamuíña", lograron expulsar aos franceses da cidade.

A sublevación popular dos vigueses conseguiu expulsar aos franceses e converteu a cidade olívica na primeira vila de Europa que conseguiu expulsar ao exército de Napoleón dun lugar conquistado. E o actual barrio vigués de Bouzas tivo moito que ver nese levantamento.

Para diferenciar e salientar o papel de toda a veciñanza de Bouzas nesta heroica expulsión, celébrase cada ano a Festa da Brincadeira, versión propia da Reconquista, que este ano se conmemorará dende o venres 10 ata o domingo 12 de maio.

Historia da Festa da Brincadeira de Bouzas

A conmemoración da expulsión dos franceses de Bouzas, e de todo Vigo en xeral, comezou en abril de 1809. As tropas francesas tomaran a cidade de Vigo e o alcalde de Bouzas, D. Cayetano Parada Pérez de Limia, ofreceu ao seu grande amigo e alcalde de Vigo, D. Javier Vázquez Varela, a súa casa da Pardaíña para reunirse e utilizala como almacén de armas.

Este foi o inicio do asalto á cidade e a posterior expulsión das tropas napoleónicas.

D. Víctor Parada, fillo do alcalde de Bouzas e comandante das tropas do Val do Fragoso, temía que a avanzada idade do seu pai fose contra el. Pero o seu pai, D. Cayetano, respondeu directa e firmemente ao seu fillo coa famosa frase: "se son maior para loitar, tamén son maior para morrer".

A importancia da veciñanza de Bouzas na Reconquista quedou confirmada polo valor da súa milicia, que dende o seu adro vixiaba a entrada de calquera galeón para avisar ao alcalde e á veciñanza de Vigo.

Tras a expulsión das tropas francesas celebrouse unha festa na actual Praza de Urzáiz, na que se reuniron tanto a xente do mar como os campesiños da vila. Ese é o nacemento da Festa da Brincadeira de Bouzas.

Fonte imaxe de cabeceira: Turismo de Rías Baixas da Deputación de Pontevedra.

Public link

Please use the above public link if you want to share this noodl on another website.