Results

Government of Greenland

10/07/2019 | Press release | Distributed by Public on 10/07/2019 04:45

Uummannami fabrikkimi sulisut angerlartinneqarnerannut tunngatillugu KNR-ip ilanngutassiaanut naqqiissut

KNR-ip nittartagaani takuneqarinnaavoq, Inuussutissarsiornermut,
Nukissiuteqarnermut Ilisimatusarnermullu Naalakkersuisoq Jess Svane-ip
uppernarsarsimaneraraa, fabrikkimi sulisut angerlartitaasut
forsikringsselskab-imut saaffiginnissasut. Tamanna eqqunngilaq,
paatsuuisoqarsimassaaq.

Uummannami innuttaasunut ataatsimiisitsinermi, pisanik tunisinermi
isertitassaagaluanut taarsiivigitinnissamut apeqqummut Jess Svane
akissuteqartut, Nukissiorfimmut innersuunneqarput.

Jess Svane akissuteqarnermini, tunisassassiorfimmit angerlartitaasut
tiimimusiaqarluni akissarsiortut pillugit oqaaseqaateqanngilaq.Taakku
pineqartut, soorlu Aatsitassanut Suliffeqarnermullu Naalakkersuisoq Erik
Jensen-itut ilisimatitsissutigineqarsimaneratut, suliffeqanngikkallarnermi
ikiorsiissutinik qinnuteqarsinnaapput.

Paasissutissanik annertunerusunik paasisaqarusukkaanni uunga
saaffiginnittoqassaaq: naalakkersuisumut allatsi Helene S. Pedersen,
Inuussutissarsiornermut, Nukissiuuteqarnermut Ilisimatusarnermullu
Naalakkersuisoqarfimmut, oqarasuaat +299 55 59 86, e-mail:
[email protected]