Results

Government of Greenland

04/17/2018 | Press release | Distributed by Public on 04/17/2018 12:06

Sisimiuni nipisanniarneq tallimanngorpat aallartissaaq

Aqutsiveqarfimmi 1Bb-mi, Kangerluarsussuarmit Isortumut nipisanniarneq tallimanngorpat apriilip 20-anni aallartissaaq. Aqutsiveqarfimmi 1Bb-mi nipisat suaat ukioq manna pisassiissutigineqartut 54 tonsiupput.

Kitaanut pisaassiissutigineqartut katillutik 1.300 tonsiupput, taakku sumiiffinni, aqutsiveqarfinni arfineq marluusuni aalisarneqarsinnaapput.

Aqutsiveqarfimmi 1Bb-mi ulloq tunisiffigineqarsinnaasoq kingulleq tassaavoq arfininngorneq juunip aappaat, pisassiissutigineqarsimasut nungoreersimanngippata.

Pisassiissutigineqartut nunguppata nalunaarutiginnittoqassaaq. Aqutsiveqarfimmi nungunneqanngitsut aqutsiveqarfimmi allami aalisarneqarsinnaasunngussapput.

Attavigineqarsinnaasoq: Aalisarnermut Piniarnermullu Naalakkersuisoqarfimmi AC-fuldmægtig John Biilmann. E-mail: [email protected]