Government of Greenland

09/28/2017 | Press release | Distributed by Public on 09/28/2017 05:07

Sunngiffimmi pinialuttartunut tuttunik piniarneq septembarip 30-ani 2017 unnuap qeqqanut unitsinneqassaaq

Aalisarnermut Piniarnermullu Naalakkersuisoqarfiup eqqaasitsissutigissavaa sunngiffimmi pinialuttartunut Piniarfinni 1-8 aamma 11-mi tuttunniarneq septembarip 30-ani 2017 unnuap qeqqanut unitsinneqassammat. Piniarfinnili 9 aamma 10-mi (Qaanaaq aamma Pituffik) tuttunniarneq 30. november 2017 unnuap qeqqanut unissaaq.

Tamanna isumaqarpoq sunngiffimmi pinialuttartut septembarip 30-ani 2017 unnuap qeqqata kingorna tuttunniaqqusaajunnaassasut.

Piniarnikut tamarmik pisussaaffigaat akuersissutitik pisanik nalunaarfissat immersoreerlugit kommunip allaffianut piffissap piniarfissap naammassereernerata kingusinnerpaamik ullut 14-it kingorna utertissallugit, tassa 15. oktoberi.

Neriuppugut tamassi piniarluarsimassasusi.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 42, e-mail: [email protected]