Government of Greenland

03/15/2018 | Press release | Distributed by Public on 03/15/2018 12:10

Aalisarneq pillugu siunnersuisooqatigiit siulittaasortaarput

KNAPK-ip pisortaata tullia Tønnes Berthelsen, aalisarneq pillugu siunnersuisoqatigiit malittarisassai naapertorlugit, aalisarneq pillugu siunnersuisoqatigiinni ukiumi 2018-imi aalisarfiusumi siuliuttaasutut toqqarneqarpoq.

Aalisarneq pillugu siunnersuisoqatigiit ukiumi nutaami ataatsimiinnerup tulliani siulittaasumik siulittaasullu tullianik toqqaasarput.

Kalaallit Nunaanni Sulisitsisut Peqatigiiffiat, GE, aamma KNAPK ukioq allorlugu, paarlakaallutik, siulittaasuutitaqartarput.

Aalisarnermut siunnersuisooqatigiit aalisarnermik soqutigisaqaqatigiinnit ilaasortaaffigineqartoq Naalakkersuisunut aalisarnermut tunngasunik siunnersuisarput.

GE-mi siunnersorti Bent Sørensen, aalisarneq pillugu siunnersuisoqatigiinni 2017-imi siulittaasuusoq, siulittaasumut tulliulerpoq.

Attavigineqarsinnaavoq Aalisarnermut Piniarnermullu Naalakkersuisoqarfimmi immikkoortortami pisortaq, Kunuk Holm. Email: [email protected]