Results

Government of Greenland

05/08/2017 | Press release | Distributed by Public on 05/08/2017 11:39

Kim Kielsenip IAEA-p qullersaa tikeraartorivaa

Naalakkersuisut siulittaasuata Kim Kielsen-ip nunarsuaq tamakkerlugu atomip nukiganik atuinermut nakkutilliisoqarfiup, IAEA-p, qullersaa Yukiya Amano ulluni makkunani tikeraartorivaa. Yukiya Amano ullumikkut kujataaniippoq, aqagulu marlunngornermi Nuummukassalluni.

Amanop ulluni pingasuni nunatsinniinnermini pingaarnerutillugu ornitassaa tassaavoq Kuannersuit, tamannalu pissutigalugu Amano kujataaniillunilu Nuummukartussaavoq.

Nunarsuaq tamakkerlugu atomip nukiganik atuinermut nakkutilliisoqarfiup, IAEA-p, qullersaa angalaqatinilu nunatsinniinnerminni nunatsinneersunit Kim Kielsen-imit siuttuuffigineqartunit angalaqatigineqassapput.

Amanop Kuannersuarnut Narsamullu alakkaanissami saniatigut Qaqortuliassaaq, Qaqortumiinnerminilu Naalakkersuisut siulittaasuat Kim Kielsen peqatigalugu Kommune Kujallermi kommunalbestyrelsinngorlaat ataatsimeeqatigissavai. Tamatuma kingorna angalaqatigiit Nuummukassapput.

Sukumiinerusumik paasisaqarusuttut Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmi pisortaq, Jørn Skov Nielsen, attavigisinnaavaat, oqarasuaat: 55 61 88, imaluunniit e-mailikkut allaffigalugu: [email protected]