Government of Greenland

10/30/2019 | Press release | Distributed by Public on 10/30/2019 12:59

Kommuneqarfik Sermersuumi nunalerinermik nakkutilliisussamik pilersitsineq

Nunalerineq pillugu inatsisartut inatsisaat malillugu, kommunini nunalerinermik inuutissarsiuteqarfiusuni nunalerineq pillugu nakkutilliisussanik ataatsimiititaliamik pilersitsisoqartussaavoq, taassumalu suliassaraa nunalerinerup ajunngitsumik inatsisillu malillugit ingerlanneqarnera nakkutigissallugu.

Aalisarnermut Piniarnermut Nunalerinermullu Naalakkersuisoq, Neriunami savaateqarfimmik aallartitsisoqareernerani, Kommuneqarfik Sermersuumi nakkutilliisussamik ataatsimiititaliamik pilersitsivoq.

Ilaasortassatut uku Kommuneqarfik Sermersuumit toqqarneqarput, Tittus Dalager aamma Klaus Møller, kiisalu Savaatillit Peqatigiit Suleqatigiissunit ilaasortassatut Finn Karlsen toqqarneqarpoq.

Nakkutilliinermut ataatsimiititaliamut saaffiginnissagaanni Nunalerinermut Siunnersorteqarfikkut saaffiginnittoqarsinnaavoq: [email protected]

Paasissutissanik allanik uani taaneqarsimanngitsumik pissarsisoqarusukkuni,
Aalisarnermut Piniarnermut Nunalerinermullu Naalakkersuisoqarfimmut saaffiginnittoqarsinnaavoq, [email protected] atorlugu