Department of Finance - Northern Ireland Government

01/13/2017 | Press release | Distributed by Public on 01/13/2017 10:07

Léiríonn Ó Muilleoir a intinn dúshlán a chur roimh an fhoráil phionósach san Acht 1737

Inniu dhearbhaigh an tAire Airgeadais Máirtín Ó Muilleoir go bhfuil an Abhcóide ar an eolas faoina intinn dúshlán a chur roimh an fhoráil phionósach san Acht 1737.

Cuireann an tAcht 1737, atá fós i bhfeidhm anseo, ceanglas ar dhlíodóirí imeachtaí cúirte a chur i gcrích i mBéarla agus déanann sé coir in aghaidh an dlí as úsáid a bhaint as teanga ar bith seachas an Béarla. In 1863, rinneadh aisghairm ar choibhéisí den Acht a reáchtáladh i Sasana agus in Albain i 1731 agus den Acht a reáchtáladh sa Bhreatain Bheag in 1733 agus rinne an Reacht Athbhreithnithe Dlí (Reachtanna Éireannacha Réamh-Aontais) aisghairm ar an Acht sa Deisceart chomh maith i 1962.

Dúirt an tAire Airgeadais: 'An mhí seo caite, bhuail mé le gairmithe dlí lena dtuairimí a chloisteáil faoi úsáid na Gaeilge sna cúirteanna. Mar chuid de mo phunann aireachta, tá mé freagrach as rialáil a dhéanamh ar lucht dlí, agus ba mhaith liom cosaint a dhéanamh ar chearta dlíodóirí a labhraíonn Gaeilge, mar aon leo siúd ar mian leo an Ghaeilge a úsáid sna cúirteanna. Níl an cineál seo reachtaíochta in úsáid in aon áit eile sna hoileáin seo agus ag tógáil ar obair an Iar-Aire, Carál Ní Chuilín, tá sé mar rún agam dul chun dlí i gcoinne an Achta seo.'

Tá leagan Béarla den phreas ráiteas seo ar fáil ag an nasc thíos.

The English language version of this press release is available at the link below.

Notes to editors:

Nótaí don eagarthóir:

  1. Cláraigh agus faigh nuacht seachtainiúil an Aire(external link opens in a new window / tab) , leis na scéalta is déanaí ón Aire Airgeadais, Máirtín Ó Muilleoir.
  2. Lean muid ar twitter @dptfinance(external link opens in a new window / tab) agus tabhair 'like' d'ár leathanach Facebook ag www.facebook.com/dptfinance(external link opens in a new window / tab) .
  3. I gcás fiosrúcháin na meán, déan teagmháil le Preasoifig na Roinne Airgeadais ar 028 9081 6724 nó cuir ríomhphost chuig [email protected]. Le teagmháil lasmuigh de ghnáth uaireanta oibre, téigh i dteagmháil leis an Phreasoifigeach ar Dualgas ar an uimhir ghlaoire 07623 974383 agus cuirfear scairt ar ais ort.

Share this pageFacebookTwitter