Government of Greenland

11/25/2016 | Press release | Distributed by Public on 11/25/2016 13:46

Erseqqissaaneq

KNR-ip ulloq 22. november 2016 Qanoruukkut kiffartuussinermik isumaqatigiissutit iluarsiissutaalu pillugit ilanngussaqarpoq. Ilanngussami Kommuninut,
Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisup Martha Lund Olsenip apersorneqarnerani Qeqertarsuup Tunuani billetsit akiisa appartinnissai pilersaarutigineqartut eqqartorneqarput. Apeqqarissarnermut atatillugu makku erseqqissarneqassapput.

Ilanngutassiaq isumaqalersitsivoq mittarfimmut akitsuut peerneqassasoq taamatullu billitsit akii 30%-nik apparneqassasut.

Pineqartorli unaavoq mittarfeqarfinnut akiliutit ilanngunnagit Qeqertarsuup Tunuani Helikopterimut billetsit akii agguaqatigiissillugit 30%-imik appartinneqarmata.

Taamaalilluni mittarfeqarfinnut akitsuut peersinneqarnissai imaluunniit akikilliliivigineqarnissai eqqunngilaq, taakkumi allanngortinnagit Mittarfeqarfinnit akileqquneqartassammata Akigititat Akiliinernullu Malittarisassaatai naapertorlugit.

Nalunaarummut uunga tunngatillugu apeqqutissallit Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmut saaffiginnissinnaapput, e-mailikkut: [email protected]