Government of Greenland

09/14/2017 | Press release | Distributed by Public on 09/14/2017 12:10

Immikkut akuerineqarluni aqutsiveqarfinni assagiarsunniartoqarpoq

Naalakkersuisut aalajangerput aqutsiveqarfinni Qeqertarsuup Tunuani-Uummannaq aamma Upernavimmi assagiarsunniassallutik qinnuteqartut akuerivai.

Aqutsiveqarfimmi Paamiut-Nuuk assagiarsunniarneq juulip 6-annit septembarip 30-annut 2017 matugallarmat aalisariutit arlallit Avannaani assagiarsunniarnissamut qinnuteqarsimapput. Avannaani maannakkut assagiarsunniartoqanngilaq, immannguaannarluunniit assagiarsunniartoqarluni.

Aalisariutit uku immikkut akuerineqarlutik akuersissummik tunineqartut, aqutsiveqarfimmi Qeqertarsuup Tunua-Uummannaq aamma Upernavik assagiarsunniarnissaannut akuerineqarput: Ajsi, Laila K, Bent S og Hvalen.

Attavigineqarsinnaavoq Aalisarnermut Piniarnermullu Naalakkersuisoqarfimmi immikkoortortami pisortaq, Kunuk Holm. Email: [email protected]