Government of Greenland

11/12/2019 | Press release | Distributed by Public on 11/12/2019 12:29

Uummannami aqqusersuutit kangilliit atorneqarnerisa killilersorneqarnerannik atorunnaarsitsineq

Aamma maanna Uummannami innuttaasut kangillermiittut toqqaannartumik kuutsitsillutik imersinnaalerput.

Pinngortitamut Avatangiisinullu Naalakkersuisoqarfik 12. november 2019-imi nakorsaaneq isumasioqatigereerlugu naliliivoq, Uummannami sumiiffimmi qorsorpaluttumi imermut aqqusersuutit naammaginartumik pitsaassuseqalersut, taamaattumillu imermut imigassamut atorneqarsinnaalerlutik, takuuk matuma kinguliani nunap assinga.

Sumiiffimmi sungaartumiittumi atuinermik killilersuineq allanngortinneqanngilaq. Taamaattumik inoqutigiit sumiiffimmi sungaartumi najugallit, erngup aqqutaanut attavillit kuutsitsillutik imeqqusaanngillat, kisiannili imeq eqqiluisaarnermut eqqiaanermullu, kiisalu erruinermut atisanillu errorsinermut atorsinnaavaat.

Annertunerusumik paasisaqarusunnermi attaveqarfissaq:
Pinngortitamut Avatangiisinullu Naalakkersiusoqarfimmi pisortaaneq
Mette Skarregaard Pedersen, tlf.: 529844 imaluunniit email: [email protected]