Tele Greenland A/S

02/16/2017 | Press release | Distributed by Public on 02/16/2017 13:30

Isortoq aamma Tiniteqilaaq attavineqqipput

Tassa nunaqarfinni taakkunani innuttaasut telefoninut nalinginnaasunut, mobilinut, internetimut, radiomut kiisalu TV-mut attaveqaqqilerput.

TELE-POST-ip sulisui februaarip arfineq pingajuanili Niaqernaatiummi sakkortusaavimmukarniarsarisimapput attaviit aaqqiiviginiarlugit, ullaap tungaanilu tamanna iluatsippoq.

Sakkortusaavimmi silap sermernarsimanera pissutigalugu atortorissaarutit sermimik apummillu qallerneqarsimapput, tassa seqernup qinngorneranik tigooraassutit (solpaneler) innaallagissaliornermut atortuusut qallerneqarnermikkut innaallagissamik pilersuisinnaajunnaarsimapput, tamannalu sakkortusaaviup innaallagiaarunneranik kinguneqarsimavoq. Taassuma saniatigut seqernup qinngorneranut tigooraassutit immikkoortut marluk anorimut tingitaasimanerat paasineqarsimavoq.

Asseq: Bendt Josvassen & Donny Napatoq