Government of Greenland

08/16/2017 | Press release | Distributed by Public on 08/16/2017 11:38

Aalisarneq pillugu inatsisissatut siunnersuut tusarniuussutigineqalerpoq

Sivisuumik utaqqineqarsimasoq aalisarneq pillugu inatsissaq nutaaq maanna tusarniutigineqalerpoq.

Aalisarneq pillugu inatsisissatut siunnersuutip tusarniuussutigineqalernera pillugu Aalisarnermut Piniarnermullu Naalakkersuisoq, Karl-Kristian Kruse tusagassiortunut sisamanngornermi aggustip 17-ianni 2017, Namminersorlutik Oqartussat tusagassiortunut katersortitsisarfiannut nalunaaqutaq 14.00 aggersaavoq.

Aalisarnermut Piniarnermullu Naalakkersuisup aalisarnermut inatsisissatut siunnersuutip allannguutissaata pingaarnersai nassuiaateqarfigissavai.

Aalisarneq pillugu inatsisissatut siunnersuut naatsorsuutigineqarpoq Inatsisartut ukiaru 2017 ataatsimiilerunik siullermeerlugu oqaluuserissagaat.

Aalisarneq pillugu inatsisissatut siunnersuut tusarniuussutigineqartoq uani atuarsinnaavat. Siunnersuut tusarniutigineqartoq: Aalisarneq pillugu Inatsisartut inatsisaat - Naalakkersuisut

Attavigineqarsinnaavoq Aalisarnermut Piniarnermullu Naalakkersuisoqarfimmi pisortaagallartoq, Pollas Lyberth. Mail: [email protected]