Government of Greenland

12/19/2017 | Press release | Distributed by Public on 12/19/2017 13:16

Kitaani zone 3-mi appanniarneq unippoq 15. december

Nalunaarutigineqassaaq ukiakkut nunap immikkoortua, zone 3-mi appanniarneq ulloq 15. december unnuap qeqqanut uninnikuummat. Zone 3 tassaavoq Qeqertarsuup aqutsiveqarfianiit kujammut Nanortallup aqutsiveqarfia ilanngullugu.

Zone 1 tassa Qaanaaq aqutsiveqarfiani appanniarneq februaarip 28-anut ingerlanneqassaaq. Tunumi zone 4 appanniarneq unissaaq ulloq 31. december.

Maleruagassani piffissat piniarfiusuni allani appanniarneq unioqqutitsinertut isigineqarpoq, aalajangersagarlu malitsinneqanngippat politiinut unnerluutiginninnermik kinguneqartinneqarsinnaavoq.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: [email protected]