Government of Greenland

05/11/2017 | Press release | Distributed by Public on 05/11/2017 05:51

Hendrik Lennertimut eqqaaniut

Hendrik Lennert akornatsinniikkunnaarpoq. Kalaallit Nunaat ilinniarnerup iluani piginnaasaqarluartumik malunniuteqarluaqisumillu annaasaqarpoq. Hendrik inuunermini sivisuumik tunniusimalluni eqeersimaartuulluni kalaallit nunaani meeqqat atuarfianni ilinniartitsisuusimavoq. Hendrik ilinniartitsisutut eqeersimaartuulluni aallartissimavoq sivisuumillu ilinniartitsisooreerluni atuarfimmi pisortanngorsimalluni, aammalu kingusinnerisukkut Ilinniarfissuarmi rektorinngorsimalluni. Naak soraarninngoreeraluarluni Hendrik Lennert suli ilinniartitsisutut eqeersimaartuusimavoq. Nulia Lise qanigisaalu eqqarsaatitsinniipput. Hendrik Lennert eqqaaneqarnera ataqqinartuuli.

Naalakkersuisut sinnerlugit

Doris Jakobsen, Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq