Government of Greenland

04/12/2018 | Press release | Distributed by Public on 04/12/2018 11:25

Nipisanniarfiit arfineq marluupput

Aalisarnermut Piniarnermullu Naalakkersuisoqarfiup matumuuna nalunaarutigissavaa Kitaani inuussutissarsiutigalugu nipisat suanniarfigineqarsinnaasut, sumiiffiit pisassinneqarsimasut, maannakkut arfineq marluummata.

Nipisanniarneq pillugu Namminersorlutik Oqartussat nalunaarutaat normu 2 februaarip 2-anneersoq, 2016-imeersoq, naapertorlugu inuussutissarsiutigalugu aalisartut kisimik ingerlatseqatigiiffinnut nipisat suaannik pisiortortunut tunisisinnaapput.

Sunngiffimmi aalisartut tuniseqqusaanngillat, namminnerli nerisassaminnik aalisarsinnaatitaapput.

Nunatta Kitaa tamarmi nipisanniarnissamut akuersissuteqarluni siornatigut nipisannik aalisarfigineqarsinnaasarpoq.

Naalakkersuisoqarfiup erseqqissassavaa inuussutissarsiutigalugu aalisartut qinnuteqareernermikkut akuerineqarsinnaammata nipisannik pisassiiffigineqartup avannaatungaani kujataatungaaniluunniit, nipisannik pisaassiffigineqarsimasuni, aamma nipisanniarsinnaammata.

Attavigineqarsinnaavoq Aalisarnermut Piniarnermullu Naalakkersuisoqarfimmi AC-fuldmægtig, John Biilmann. Email: [email protected]