Tele Greenland A/S

11/17/2016 | Press release | Distributed by Public on 11/17/2016 07:23

Nanortalimmi attaveqaatit innaallagiaarukkaluartut

Pingasunngornerup unnuaani Nanortalimmi attaveqaatitit innaallagissamik pilersorneqarnerat ajoquteqalerpoq. Tamanna pissutaalluni pingasunngornermi Nanortalimmi nunaqarfiinilu internetimut attaveqaatit ajortikkallarput.

Attaveerunnerup kinguneraa mobilit attaveqaataannut, TV-mut radiomullu attaveerunneq. Taamaattoq telefonit nalinginnaasut sullitatta suli atorsinnaasimavaat.

Ajoqutaasoq pingasunngornermi ullup qeqqata siorna paasineqarpoq nalunaaqutarlu ullup qeqqartoq attaveqaatit atorsinnaanngoqqipput.

- Teknikerigut ajornartorsiut paasipallappaat ulloqeqqatalu missaani ajornartorsiut aaqqinneqarpoq sullitagullu attaveqaatit tamarmik atuleqqissinnaanngorlugit. Ajornartorsiutip sullitatsinnut arlaatigut kingunerlutitsisimappat aajuusarutigaarput, TELE-POST-imi Teknikkimut IT-mullu pisortaq Jonas Hasselriis oqarpoq.