Results

Government of Greenland

11/18/2016 | Press release | Distributed by Public on 11/18/2016 11:38

Qinigaasinnaanermik annaasaqarneq

Qinigaasinnaanermut Ataatsimiititaliaq ulloq 18. november 2016 qinigaasinnaaneq pillugu suliamik aalajangiipput.

Ingemann Dorph Kommune Kujallermi kommunalbestyrelsemut sinniisussatut qinigaasoq, qinigaasinnaanini annaavaa. Ataatsimiititaliap aalajangerneranut tunngaviuvoq Eqqartuussisoqarfiup Kujalliup eqqartuussutaa 17. juni 2015-meersoq, tassani Ingemann Dorph qaammatini pingasuni inissiisarfimmiittussanngortitaavoq pinerluttulerinermi inatsimmi § 88 - nakuuserneq pillugu pisumi ataatsimi.

Nakuuserneq pillugu eqqartuussaasimasunut Qinigaasinnaanermut ataatsimiititaliaq inunnik qinigaasinnaanerinik arsaarinninnissamut aalajangersimasumik periuseqarpoq.

Ingemann Dorph aamma Kommune Kujallermi Qinersinermi Siulersuisut aalajangerneq pillugu nalunaarfigineqareerput.

Aalajangerneq pillugu apeqqutit siulittaasumut Søren Søndergaard Hansen-imut saaffiginnissutigineqassapput oqa. +299 36 39 00

Inussiarnersumik inuulluaqqusillunga

Søren Søndergaard Hansen

Qinigaasinnaanermut Ataatsimiititaliami Siulittaasoq