Results

Government of Greenland

03/24/2017 | Press release | Distributed by Public on 03/24/2017 10:05

Digitaliseriinermut Aqutsisoqarfik nutaamik pisortartaassaaq

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik aqutsisoqarfimmi pisortatut atorfik John Siegstadimut neqeroorutiginiarlugu aalajangerpoq.

John Tele-Postimi ukiut 20-it sinnerlugit pilersaarusiornermut pisortaasimavoq suliassaqarfinnilu assigiinngitsuni aqutsinermut, periusissiornermut teknologi-qarnermullu suliaqarsimalluni.

'Ukiut 18-it sinnerlugit aqutsisutut misilittagaqareersoq MBA-millu ilinniarsimasoq, isumaqarpugut Digitaliseriinermut Aqutsisoqarfik ingerlateqqinnissaanut eqqorluinnartoq nassaarisimallugu,' Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmi pisortaq Nukaaraq Møller oqarpoq.

'John nunatsinni digitaliseriinermik suliaqarnermi periarfissanik unammilligassanillu ilisimasaqarluarpoq taamaammallu isumaqarpugut Digitaliseriinermut Aqutsisoqarfimmut allamik tulluarnerusoqanngitsoq.'

Paasisaqarnerorusukkuit attavigiuk Departementschef Lone Nukaaraq Møller +299 34 50 00