Government of Greenland

08/23/2019 | Press release | Distributed by Public on 08/23/2019 10:16

Aqutsiveqarfik Qaanaami qernertanik qilalugartassiissutit tamakkerneqarput, Savissivik ilanngunnagu

Aalisarnermut Piniarnermut Nunalerinermullu Naalakkersuisoqarfiup matumuuna nalunaarutigissavaa, Aqutsiveqarfik Qaanaami 2019-imut qilalukkat qernertat pisassiissutaasut 144-it piniarlugit tamakkerneqarsimalermata, Savissivik ilanngunnagu. Pisassiissutini aamma 2018-imi atorneqarsimanngitsut ilaapput.

Taamaasilluni aqutsiveqarfimmi ukioq manna 2019-imi qilalukkat qernertat piniaqqinneqassanngillat.

Aalisarnermut Piniarnermut Nunalerinermullu Naalakkersuisoqarfiup nalunaarutigisinnaavaa Avannaata Kommuniani qaqortanik qilalugartassiissutit, nannuttassiissutit, aavertassiissutit, tikaagullittassiissut, tuttuttassiissutit umimmattassiissutillu 2019-imi suli sinneqarmata, taakkulu suli piniarneqarsinnaallutik.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: [email protected]