Real Sociedad de Futbol SAD

11/14/2018 | News release | Distributed by Public on 11/14/2018 04:40

Dena prest

Bertan da LaLiga Genuineren bigarren edizioa. LaLiga Genuine adimen urritasuna duten kolektiboaren taldeek osatutako liga da. Realak bertan hartuko du parte Real Sociedad Fundazioak ATZEGI-rekin (Gipuzkoako Adimen urritasuna duten pertsonen aldeko erakundea) duen elkarlanari esker. Talde txuri-urdinak CIE Automotiveren babesa izango du.

Ostiralean hasiko da Tarragonan liga honetako lehen jardunaldia. LaLiga Genuine erantzukizun sozialeko ekimen bateratzailea da, eta bere helburua adimen urritasuneko kolektiboetan futbolaren praktika normalizatzea da.

ARGAZKI SESIO OFIZIALA

Gure taldeak larunbatetan entrenatzen du Zubietan. Orain dela egun batzu, gure neska-mutilek ohikoa den argazki sesio ofiziala izan zuten. Ondoren, entrenatzera atera zire instalzaio txuri-urdinetan. Irrikitan dira ostiralean autobusera igo eta Tarragona aldera joateko txapelketaren lehen jardunaldirako.

2018-19 denboraldi honetan 30 klubek hartuko dute parte (iaz 18): Real Sociedad, Athletic Club Fundazioa, RCD Espanyol, Fundación Club Atlético de Madrid, Real Sporting de Gijón, Sevilla FC, RC Deportivo de la Coruña, Levante UD EDI, CF Reus, Club Gimnàstic de Tarragona, RCD Mallorca, Valencia CF, CA Osasuna, Deportivo Alavés, Villarreal CF, Fundación Celta Integra, Fundación Rayo Vallecano, Real Oviedo, Real Valladolid, CD Leganés, Girona FC, Real Zaragoza, Fundación Albacete, SD Eibar Fundazioa, UD Las Palmas, CD Lugo, Córdoba CF, SD Huesca, UD Almería eta Fundación Málaga CF EDI.

LaLiga Genuine Tarragonan hasiko da (azaroak 16-18) eta Valentzian amaitu (ekainaren 14-16). Bi fase horietan 30 taldeek hartuko dute parte, eta bigarren eta hirugarren faseetan lehiaketa bi egoitzetan banatuko da, 15 talde parte hartuz bakoitzean. Bigarren fasea Kordoban (urtarrilak 18-20) eta A Coruñan (otsailak 1-3) izango da, eta hirugarrena Rayo Vallecanok (apirilak 5-7) eta Atletico de Madridek (apirilak 26-28) antolatuko dute.

Liga hau Futbol 8-ko modalitatean jokatuko da, 10 minutuko 4 zatiko partidetan. Sailkapenari dagokionez, kirol emaitzez gain joko garbia baloratuko dituen puntuak izango dira, kiroltasunak ere garrantzia izan dezan.