R Cable y Telecomunicaciones Galicia SA
R Cable y Telecomunicaciones Galicia SA
05/02/2023 | News release | Distributed by Public on 05/02/2023 02:11
Axenda en Galicia: concertos, festivais, festas, monólogos, teatro…
Para atopar actividades en Galicia pretiño de ti, tanto se es de bailar e cantar en concertos e festivais, coma se prefires un plan máis tranqui nun museo ou no teatro, ou non perdoas unha festa gastronómica na túa terra, esta é a axenda que precisas. Traémosche moitos plans para gozar durante a fin de semana.
Que podes facer este mes de maio? Pois todo isto e máis.
Plans de maio en Galicia
Como é Galicia en maio? Un non parar de plans diferentes para facer e gozar da boa música, monólogos ou teatro e exposicións. Se queres vivir con intensidade os concertos e festivais, as festas gastronómicas de interese turístico e moito máis, anota todas estas datas.
A mellor música que soará en Galicia en maio
4 e 6 de maio: Diego Guerrero
Tras ser nomeado aos Grammy latinos, Diego Guerrero presenta "Por la Tangente". O día 4 de maio, na Sala Riquela de Santiago de Compostela, e o día 6 de maio, no Náutico de San Vicente, no Grove (Pontevedra).
5 de maio: CZARINA
Produtora, compositora, multiinstrumentista, cineasta, artista visual e deseñadora. Vero Faye Kitsuné (nome artístico: CZARINA) combina a música electrónica cos sons orgánicos. Na Sala Filomatic de A Coruña o venres 5 de maio.
5 e 20 de maio: Andrés Suárez
Andrés Suárez presenta o seu noveno disco, "Viaje de vida y vuelta". Na Sala Capitol de Santiago de Compostela o día 5 e no Teatro Afundación de Vigo o sábado 20 de maio.
6 de maio: Café Quijano
O leoneses Café Quijano chegan ao Auditorio de Ferrol o sábado 6 de maio co seu último traballo, "Manhattan".
6 de maio: Los Mejillones Tigre
A proposta musical psicodélica e desenfadada de Los Mejillones Tigre non deixa a ninguén indiferente. Escóitaos na Sala Karma de Pontevedra o día 6 de maio.
6 de maio: Leticia Rey
A cantautora galega chega co seu primeiro disco, "Lux", á Casa das Crechas de Santiago de Compostela o sábado 6 de maio.
6 de maio: Escuchando Elefantes
O dúo galego de folk-rock formado por Sílvia Rábade e Carlos Tajes sóbese ao escenario do Auriense, en Ourense, con só unha guitarra acústica e unha pequena batería. A cita é o sábado 6 de maio.
11 ao 13 de maio: "Fa Ce La Fest 2023"
Festival de música independente e de autor que aposta por un cartel arriscado no que figuran, entre outros, La Bien Querida, Musel ou Depresión Sonora. Na chaira do Auditorio Municipal Gustavo Freire de Lugo os días 11, 12 e 13 de maio.
12 de maio: Morgan
As dez cancións do novo álbum de Morgan, titulado "The river and the stone", soarán no Auditorio de Ferrol o día 12 de maio.
12 e 13 de maio: The Meteors
Difíciles de clasificar, aos británicos The Meteors considéraselles os primeiros representantes do xénero musical psychobilly. Décadas despois, seguen pisando forte sobre os escenarios. O día 12 de maio, no Garufa Club da Coruña, e ao día seguinte, o sábado 13, en Salason, en Cangas.
13 de maio: Love of Lesbian
Love of Lesbian ofrece o día 13 de maio no Coliseum da Coruña o seu único concerto en Galicia en 2023. Non perdas a despedida da xira de "V.E.H.N.", o seu último traballo.
19 de maio: Roi Méndez
Deuse a coñecer nun talent show e dende entón non parou de traballar. O cantante e compositor Roi Méndez actúa na Fábrica de Chocolate de Vigo o venres 19 de maio.
19 de maio: Pedro Guerra
Pedro Guerra aposta por unha idea diferente na súa xira "Pídeme en Salas". O público, ao comprar a entrada, pode elixir que temas escoitará. O venres 19 de maio, no Clavicémbalo de Lugo.
20 de maio: Ben Howard
O cantante e guitarrista británico Ben Howard ofrecerá un concerto en Galicia por primeira vez e será no Palacio de Congresos de Santiago de Compostela o día 20 de maio.
20 de maio: Pablo López
Co seu primeiro disco, "Once historias y un piano" (2013), Pablo López xa logrou un disco de ouro. Agora conta con nova canción, "Quasi". Goza do seu persoalísimo directo o sábado 20 de maio no Coliseum de A Coruña.
20 de maio: Calero LDN
As letras duras e desgarradas son os acenos de identidade de Calero LDN. Na Sala Doppler de Vigo o sábado 20 de maio.
21 de maio: Andrés Calamaro
O cantautor, músico e compositor arxentino chega ao Palacio da Ópera de A Coruña o domingo 21 de maio acompañado de toda a súa banda e disposto a demostrar porqué leva décadas sendo un dos grandes nomes do rock.
21 de maio: Travis Birds
"La Costa de los Mosquitos" é o título do novo traballo de Travis Birds, que se sobe ao escenario da Fábrica de Chocolate de Vigo o día 21 de maio.
25 de maio: "Rasgando el silencio"
Un concerto para rachar o silencio no que estiveron sumidas as compositoras a través dunha selección de obras escritas entre a segunda metade do século XIX e a primeira do s. XX. A cita é o día 25 de maio no Teatro Principal de Ourense.
26 de maio: The Rapants
A banda galega de indie e garage malgasta frescura e alegría coa súa música. Escóitaa na Fábrica de Chocolate de Vigo o venres 26 de maio.
26 e 27 de maio: Ariel Rot
O cantante e guitarrista Ariel Rot, exmembro de Tequila e Los Rodriguez, está de xira para celebrar os 25 anos do seu disco "Hablando Solo". Actúa na sala Garufa de A Coruña o 26 de maio e na sala Rouge de Vigo o día 27 de maio.
26 e 27 de maio: "Ourensound Fest 2023"
Andrés Calamaro, Shinova ou Depedro figuran no cartel dunha nova edición do festival "Ourensound Fest" que se celebra en Ourense os días 26 e 27 de maio.
27 de maio: Luz Casal
Luz Casal ten novo disco: "Las ventanas de mi alma". É o seu traballo máis persoal e autobiográfico e podes gozalo en directo o sábado 27 de maio no Palacio da Ópera da Coruña.
28 de maio: Jethro Tull
A banda de rock británica liderada por Ian Anderson presenta en vivo o seu novo álbum de estudo, "RökFlöte". No Palacio da Ópera de A Coruña o domingo 28 de maio.
Imos ao teatro en Galicia en maio
4, 16 e 21 de maio: "Un hotel de primeira sobre o río"
A especulación urbanística, a depredación do medio natural ou o desarraigamento son temas que aborda esta peza teatral realizada a partir do texto de Xohana Torres recoñecido co Premio Castelao. No Teatro Afundación de Vigo o día 4 de maio; no Teatro Principal de Ourense o 16; e no Teatro Rosalía de Castro de A Coruña o 21 de maio.
5 de maio: "Escándalo en palacio"
Alta comedia sobre o poder e a televisión lixo escrita por Pedro Ruiz. No Teatro Jofre de Ferrol o venres 5 de maio.
10 e 11 de maio: "La curva de la felicidad"
Gabino Diego, Antonio Vico, Josu Ormaetxe e Jesús Cisneros están en plena crise dos 50: inseguros, indecisos e fráxiles. Soñan con irse, pero teñen medo de vivir sós. No Teatro Afundación de Vigo o día 10 e no Auditorio Sede Afundación de Pontevedra o día 11 de maio.
12 de maio: "Lope y sus Doroteas"
A comedia "Lope y sus Doroteas", escrita por Ignacio Amestoy, fala en ton irónico da vida e da morte, do amor e da murmuración e do panorama creativo e cultural do XVII. No Teatro Principal de Ourense o venres 12 de maio.
13 de maio: "Los días ajenos", de Bob Pop
Unha poltrona, unha lámpada de pé e unha chea de libros emblemáticos acompañan a Bob Pop sobre o escenario do Teatro Colón da Coruña o día 13 de maio.
13 de maio: "Ménage à Trois"
Todo o que che gustaría saber sobre o sexo… e algunhas cousiñas máis. "Ménage à Trois", no Auditorio Sede Afundación de Pontevedra o sábado 13 de maio.
16 de maio: "Somos Criminais 3"
Carlos Blanco e Xosé Touriñán analizan Galicia e aos seus habitantes para saber como somos e por que somos así. Risas garantidas no Auditorio Municipal Gustavo Freire de Lugo o martes 16 de maio.
19 e 20 de maio: Carles Sans: "Por fin solos"
Agora que Tricicle tomou un descanso indefinido, un dos seus integrantes, Carles Sans, cóntanos en "Por fin solos" como foron os seus inicios e sácanos un sorriso a base de anécdotas e curiosidades sobre a súa saúde, a súa vida, a súa familia… No Teatro Principal de Ourense o venres 19 e no Teatro Jofre de Ferrol o sábado 20 de maio.
19 de maio: "O Porco de Pé"
Unha historia de corrupción política e de amor, escrita por Vicente Risco, levada á escena teatral, da man de Quico Cadaval, con personaxes grotescos e caricaturescos. No Teatro Rosalía de A Coruña o venres 19 de maio.
De exposicións en Galicia en maio
Ata o 21 de maio: "Acisclo Manzano: Sete décadas"
Un total de 70 pezas representativas da obra de Acisclo Manzano, un dos grandes escultores españois. Na Sala de Exposicións Afundación de Ourense.
Ata o 21 de maio: "Había outra vez"
Exposición colectiva de Belén Padrón, Itziar Ezquieta, Manolo Figueiras e Xosé Carlos Seoane, catro artistas cuxas pinturas son de estilos e técnicas diferentes pero que se vertebran a través da súa vinculación con Pontevedra. No Museo de Pontevedra.
Ata o 27 de maio: "Sueño de Navegante"
Un percorrido pola arte cubana contemporánea do últimos cincuenta anos onde se reconstrúe a historia visual e cultural dunha nación narrada na voz dos seus propios artistas. Na Sede Afundación A Coruña.
Ata o 27 de maio: "Fuxan vos ventos"
Unha exposición que repasa cinco décadas de historia do mítico grupo folk galego e que podes visitar na Sede Afundación de Santiago de Compostela.
Durante todo o mes de maio: "Desapego", de Andrea Costas Lago
Unha mostra que reúne obras dos dous últimos anos, tanto series fotográficas como vídeos, nas que Andrea Costas reflexiona sobre a maternidade. No Museo Marco de Vigo.
De festa en festa en Galicia en maio
1 de maio: Festa da Troita da Pontenova
1 de maio: Festa dos Maios en Pontevedra
5-7 de maio: Festa da Troita en Oroso
7 de maio: Festa dos Maios en Ourense
13-14 de maio: Festa do Melindre e da Repostaría Tradicional da Terra de Melide
14 de maio: Mostra de Aceite de Quiroga
20-21 de maio: Festa do Salmón en A Estrada
E máis actividades para gozar do lecer en Galicia
7 de maio: "CantaJuego ¡Viva mi planeta!"
Máis de 75 minutos de música, baile e diversión a puro ritmo CantaJuego nun espectáculo que resalta o coidado do planeta, o esforzo e a amizade. No Auditorio Municipal de Ourense o día 7 de maio.
10 ao 14 de maio: "Imaxinaria"
Festival Internacional de Animación que inclúe exhibición de películas e curtos, charlas e actividades infantís. Na Sede Afundación A Coruña do 10 ao 14 de maio.
12, 13 e 14 de maio: "Rocío Jurado, el musical"
A súa filla é a creadora desta peza teatral na que se homenaxea, a través da súa música, a unha das grandes voces da historia contemporánea. No Teatro Afundación de Vigo o venres 12; no Auditorio Abanca de Santiago de Compostela o sábado 13; e no Auditorio Sede Afundación de Pontevedra o domingo 14 de maio.
13 de maio: "Divertimento"
Un espectáculo para toda a familia no que a música de Mozart, sen palabras e en clave de clown, nos conduce a través das relacións humanas. No Palacio da Ópera da Coruña o sábado 13 de maio.
13 ao 28 de maio: Dino Expo XXL 2023
Exposición interactiva de dinosauros a escala real que podes ver no Instituto Feiral de Vigo dende o día 13 ao 28 de maio.
17 de maio: Harlem Globetrotters
Espectáculo deportivo dos Harlem Globetrotters, un equipo-exhibición que mestura nos seus partidos o baloncesto co teatro e a comedia. No Coliseum da Coruña o mércores 17 de maio.
Como ves, en Galicia podes elixir entre propostas de música, teatro, exposicións, festas e moitas actividades máis para encher a túa axenda en maio.